豐盛閣

Open Now

Now Closed

追住暑假的尾巴，黎附近沙灘享受完日光浴，就黎食個［熱帶菓漾狂想曲］海景下午茶。下午茶三層架睇落都幾吸引，鹹點，甜點各一半，跟餐飲品就無咩特別選擇，都係揀番大路檸檬茶。上層係青木瓜柚子沙律同炸蝦餅。泰式青木瓜柚子沙律酸酸甜甜，木瓜絲爽口，開胃唔錯，仲有少少花生碎，有口感。炸蝦肉質幾實淨，唔似空氣，加埋酸梅醬更好。底層係燒牛肉包，帶子酥盒，蟹肉蛋批。3樣食品都係涼左，味道一般，唔特別。中間就係甜品啦，比較出色嘅係：奶茶卷，奶茶味突出，但唔會太甜菠蘿椰子青檸條，味道幾夾又清新其他甜品都算合格。呢度望住海景食tea 真係幾chill幾舒服嘅，但係服務一般，揾唔到侍應幫手，而且一早預訂嘅tea set 竟然要等45分鐘先上枱，有點失望。