熨烤達人 (Closed)

老婆叫左好多次去試熨烤達人，今日終於有機會試一次！一入去已經比佢既裝修吸引左，好韓式既一間餐廳，同時又好有自己特色。餐牌除左一般既燒肉燒海鮮，仲有熟食都好吸引。唔知簡咩好都可以簡set食。兩個人叫左以下既野食。熨斗烤壓有M9 霜降西冷，磚頭五花肉，牛肩脾肉，牛五花肉，調味豬皮。有得食又有得玩，用個熨斗壓落磚頭五花肉，烤至金黃色，燒多一陣就食得，又香又多汁！之後店員細心幫忙燒豬皮，我諗大家第一次入去食應該都唔太知點燒，底面每面燒一分鐘。之後燒牛肉，店員又一次主動換燒烤網，值得一讚！熨斗烤壓提供既肉都好好食，1d都唔"un"又多汁，而且份糧足夠！不得不提佢提供比客人既醬汁，因為實在令到d肉生色不少，而且更能帶出味道，同時又比左d菜我地夾住肉食，感覺冇咁熱氣！除此之外，仲有個蛋漿比你燒，仲要比埋芝士等既配料你加落蛋漿度，都幾體貼。車站見面超重芝士味撈麵，勁鐘意食！芝士迷一定要食！而且好漏，食幾啖已經有飽肚感。Cider 荔枝甜甜地，冇酒味，荔枝味好出，幾好飲，唔鐘意飲酒既人都岩飲。兩個人食左以上既野食已經好飽。雖然而家香港有好多間烤肉店，但係熨烤達人仍然係值得大家去試既一間！