熨烤達人 (Closed)

今日出去旺角買野，行行下落大雨，經過洗衣街，見到有間韓國燒肉，還掂差不多到食飯時間，一於避下雨順便醫咗個肚先繼續行。其實食韓國燒烤有一個重點，就係抽風系統一定要強，最怕食到成身油煙味，入到去，雖然都已經有一半坐滿，但沒有太大油煙味，裝修都幾工業風，好地道嘅感覺。坐底無耐後，店員就過來好細心咁講解下Menu上的食物，介紹一下有乜係比較特別的。最後我們叫左推介嘅五花腩，店員仲好細心咁話幫我地燒，每張枱有一個好似熨斗咁嘅野原來係用嚟壓住塊五花腩或其他野食燒，我都係第一次見，店員燒得剛剛好，用生菜包住食，一流。之後自己動手燒牛排肉，記得不要燒到全熟，半熟就剛剛夠，入口肉質軟稔，好有牛肉香味。熟食就叫左一個韓國燒酒煮蜆，一上枱，酒香撲鼻，佢地用左大size脹卜卜嘅蜆，肉質爽口鮮甜，加埋有少少辣，好惹味。最鐘意呢度嘅生菜同所有配菜如泡菜，大豆芽，酸蘿白都係任食) 外圈煮嘅蛋，芝士同粟米都係可以唔夠再叫，不停補充。舖面雖然唔太大，但感覺唔會好迫，加上食物有質素同有善嘅服務態度，下次一定會再食。