熨烤達人 (Closed)

韓風真係沒法擋，城中又有新韓食法喇！一坐低已經見到有個熨斗擺係度，陣間睇睇咩玩法先。前菜－凍蕃茄同洋蔥，洋蔥我自己麻麻，覺得太辣。但凍蕃茄加上胡麻醬好開胃！好好火~仲有我至愛爐邊蛋，有芝士同泡菜添！熨烤嘅牛肉真係幾靚仔，唔同部位都雪花分明，燒落油份唔算多，但就非常香！格網用嚟燒牛起晒網燒痕，如果燒豬肉就要轉另一款網。厚切豬腩肉就用得上熨斗喇，用佢嘅重量壓住嚟燒，快啲又得食之餘，油份逼晒出嚟唔會太肥膩！啲熟食麵類都不錯，冷麵好好味！飲品選擇唔多，除咗一般韓國罐裝飲品，仲有幾款生果口味沙冰溝汽水，呢個荔枝都唔錯。