Video
Read full review
2020-09-16
1217 views
疫情下對自助餐、放題、火鍋呢類型既生意好大影響，所以開返晚市之後就即刻book位去光顧，好耐冇食得咁豐富，第一次到呢間酒店食buffet，都幾期待🤣.一打開𨋢門就見到甜品區同埋朱古力噴泉🥰仲有部即叫即整pancake機，而旁邊就有雪櫃放著精緻甜品杯，再行遠一點就有熟食區同埋海鮮區，食物集中係餐廳中間位置，方便攞食物👍🏻餐廳仲有枝裝汽水、啤酒、蘋果汁、咖啡同埋維他命水冷盤選擇都幾多，除左有自製沙律同埋火腿之後，有比較少見既滷水雞腳、涼拌手撕雞伴雲耳，味道唔錯，幾入口同惹味👍🏻刺身區有三文魚、八爪魚、吞拿魚等，但全部已經切好一片片，蓋著放在凍櫃上，我覺得有點影響刺身鮮味，同埋唔夠凍，口感差一點，不過三文魚幾肥美，我都有再encore🤤海鮮類有凍蝦、青口、法國羔蟹同長腳蟹，refill得好快，每次經過都見到7-8成滿，羔蟹都幾多膏，味道幾鮮味，長腳蟹有少少雪味，不過長食長有，供應好足夠😋熟食區幾有驚喜，日式吉列大蝦好香脆，羊架好軟腍，味道不錯，仲有即焗三色帆立貝，有忌廉、茄汁同埋菠菜味，雖然晚市食到9點就完，但差不多8點半既時候店員都有繼續攞新一盤食物出黎，不斷提供新鮮食物，這一點很讚☺️餐廳
.
一打開𨋢門就見到甜品區同埋朱古力噴泉🥰仲有部即叫即整pancake機，而旁邊就有雪櫃放著精緻甜品杯，再行遠一點就有熟食區同埋海鮮區，食物集中係餐廳中間位置，方便攞食物👍🏻
餐廳仲有枝裝汽水、啤酒、蘋果汁、咖啡同埋維他命水
冷盤選擇都幾多，除左有自製沙律同埋火腿之後，有比較少見既滷水雞腳、涼拌手撕雞伴雲耳，味道唔錯，幾入口同惹味👍🏻
刺身區有三文魚、八爪魚、吞拿魚等，但全部已經切好一片片，蓋著放在凍櫃上，我覺得有點影響刺身鮮味，同埋唔夠凍，口感差一點，不過三文魚幾肥美，我都有再encore🤤
海鮮類有凍蝦、青口、法國羔蟹同長腳蟹，refill得好快，每次經過都見到7-8成滿，羔蟹都幾多膏，味道幾鮮味，長腳蟹有少少雪味，不過長食長有，供應好足夠😋
熟食區幾有驚喜，日式吉列大蝦好香脆，羊架好軟腍，味道不錯，仲有即焗三色帆立貝，有忌廉、茄汁同埋菠菜味，雖然晚市食到9點就完，但差不多8點半既時候店員都有繼續攞新一盤食物出黎，不斷提供新鮮食物，這一點很讚☺️
餐廳有即焗梳乎厘🥰用光波爐去焗製，每次既數量都有限，但派哂好快又焗過新一派，所以一定有得食，蛋糕款式唔款多，得芝士蛋糕同brownie，brownie唔甜但口感好似蛋糕，比較鬆軟同埋味道唔濃厚，入面亦食唔到核桃等乾果，同想像中有點出入，甜品質素普遍一般，沒有驚喜的感覺，另外仲有黑豆豆花，都幾滑
Post
