由於係平日夜晚，我地揀左主菜買一送一時段。
去到先知原嚟要每人點一樣飲品，但係平時食飯唔習慣飲飲品，感覺被迫消費，唔係幾舒服。
今日我地點左兩份最貴嘅熟成牛扒，但都比較失望。
M4 特級熟成肉眼排 $358
牛排點左5成，出到嚟係做到5成熟，肉質整體都算軟熟，但係邊邊比較熟嘅地方都係比較柴同孩口。肉眼嚟講應該嫩滑d，但係佢整體偏瘦，肉汁都欠奉。牛肉味係有嘅，但唔算濃郁。
伴碟有薯仔同兩片瓜，醬汁味道唔會好重味，味道都係OK嘅。
但個人覺得如果係原價嘅話定價偏高唔太值。買一送一就都ok。
小食同沙律都係正價。
烤雞凱撒沙律 $109雞肉係雞胸肉，雖然比較柴同乾，勝在大片份量可以。底下凱撒沙律味道正常，但沙律菜種類好單調，煙肉粒都冇，呢個價錢可以豐富d。
Pamaham 芝士pizza $218pizza 底好薄好脆，芝士香濃，Pamaham 鹹香，幾好味，都係份量問題。
