Cakebearbear (Closed)

喺ig見到呢間熊仔主題cafe覺得好得意，鍾意熊仔嘅我帶埋呀b嚟🥰餐廳裝修走少女風，粉紅色粉藍色牆身好夢幻，店內有好多熊熊毛公仔陪坐除咗必點熊仔造型嘅蛋糕、窩夫同特飲，其他食物質素都唔錯👍🏻晚餐-香草燒汁羊架配薯蓉$145 (+$8轉薯角)羊架煎至七成熟肉質嫩滑，連埋邊邊少少肥膏食就最正，唔會太油膩薯角份量好多，新鮮炸起表面酥脆哈密瓜燒赤蝦配和風沙律汁 $68夜晚想食少啲澱粉所以食沙律，留返quota畀甜品😂估唔到沙律菜份量咁多，一個人食都夠飽赤蝦煎過後更香口👍🏻千語星晨 (晚餐加配價$45)熊仔冰好可愛，一定要嗌嚟打卡！紫色係蝶豆花茶，底下係菠蘿汁同橙汁，飲落唔會太甜士多啤梨醬窩夫配睡眠熊芝士蛋糕 $1283D造型嘅睡眠熊蛋糕超可愛😍啡色熊仔係芝士mousse蛋糕，另一款白色係伯爵茶mousse蛋糕窩夫即叫即製上枱時仲熱，而且充滿蛋香總括嚟講食物質素唔錯，店員有禮服務貼心，餐廳環境幾好坐得舒服。