熊小館

Open Now

Now Closed

響MegaBox 11樓既「熊小館」🐻，餐廳以熊熊為主題，裝修報置都充滿可愛小熊，有熊公仔🧸，仲有小朋友play area、圖書、玩具等，啱晒一家大細用餐。✨經典焗意大利波隆那肉醬意粉🥘 $69香濃既肉醬美味可口，意大利粉有咬口，雖然配料簡單但經典好味。香草醬乾番茄🍅野菌闊條麵🍝 $69香草醬帶一點微酸口味，開胃好味😋，闊條麵軟硬適中，啱晒小朋友食。傳統芝士焗意大利飯🍛 $72一層厚厚芝士面層，夠曬香濃，簡單既配料包括三色椒，已經夠好味。德國啤酒脆漿炸魚炸薯條🍟 $88炸魚薯條係必食推介，外層薄薄既炸漿夠脆而不油膩，魚肉夠滑，配埋薯條夠曬份量。主食可加$28配埋餐湯🫕、蒜蓉包及飲品☕️，性價比非常高。