忌廉蘑菇湯連牛油法包
湯夠晒濃，蘑菇粒份量亦都足夠，感覺用料十足。牛油法包有陣陣蒜蓉牛油味之外，質感又夠晒軟熟！！啱晒我呢啲最憎食「硬」嘢嘅人🤭🤭
美國安格斯牛肩肉
今次叫咗五成熟，仲有少少血紅色塊牛先夠嫩滑，而且又有肉汁，仲要夠晒咬口，我覺得又ok woh~ 至少符合我嘅期望!!
芝士忌廉焗菠菜龍脷柳飯
對我嚟講，有芝士忌廉已經贏咗一半～😂 龍脷柳亦有魚味，配合埋菠菜，顏色同味道都夾嘅～啲飯又夠晒多，都幾抵食㗎！
自家製心太軟
心太軟算係我最鍾意嘅一種甜品，佢最緊要做到暖暖嘅朱古力醬，同由個心湧出嚟嘅效果～佢做到我就鍾意啦！！😋😋
1
