Video
Read full review
2020-02-23
63 views
最近去咗深水埗試咗呢間手工餃子店，走家庭式路線，嘢食帶點煮家風，好食得嚟又好有親切感既然以餃子做主打當然要講下餃子先，前後叫咗三款餃子，最鐘意一定係洋蔥豬肉餃，坊間比較少見用洋蔥嚟做餡，食落唔生感覺甜甜哋又多汁，而且煎餃脆得嚟又唔會過硬，餡皮兩者組合超香口另外香菇粟米雞肉用雞餃餡幾特別，而粟米無論陣味定質感都幾搶，鐘意食粟米會幾鐘意，但我會鐘意洋蔥果款多啲至於朋友揀嘅西洋菜豬肉湯餃，個人對西洋菜冇乜喜好所以覺得還好，係食落都幾足料爆餡咁，同埋好過癮地個湯係粉葛湯嚟，好有煮家味。仲有話說果陣一路食一路見到伯伯好用心咁逐隻逐隻餃子咁包，手工嘢確係加分不少喲隨餃子仲可以轉套餐配麵或者日式飯糰，後者聽落特別爛然揀佢啦，餐牌指明係用日本米，質感綿得嚟又粒粒分明，本身都夠香唔洗加任何調味就食得，好鐘意佢入面有啲牛蒡令飯糰生色不少另一必推嘅仲有家後鮮大腸羹，表明用上鮮大腸，咬落好彈牙，不過可能我麻麻地薑，又可能為咗蓋過鮮大腸陣味，感覺其實有少少過多薑，不過好鐘意佢每啖都帶肉絲而且仲有豬紅粒呢兩點真係加分不少，整體都幾值得試小食方面仲有日式炸鶏同淨豬手，其實兩款都唔錯，特別豬手燜到超腍超入味，唔洗點咬
既然以餃子做主打當然要講下餃子先，前後叫咗三款餃子，最鐘意一定係洋蔥豬肉餃，坊間比較少見用洋蔥嚟做餡，食落唔生感覺甜甜哋又多汁，而且煎餃脆得嚟又唔會過硬，餡皮兩者組合超香口
另外香菇粟米雞肉用雞餃餡幾特別，而粟米無論陣味定質感都幾搶，鐘意食粟米會幾鐘意，但我會鐘意洋蔥果款多啲
至於朋友揀嘅西洋菜豬肉湯餃，個人對西洋菜冇乜喜好所以覺得還好，係食落都幾足料爆餡咁，同埋好過癮地個湯係粉葛湯嚟，好有煮家味。仲有話說果陣一路食一路見到伯伯好用心咁逐隻逐隻餃子咁包，手工嘢確係加分不少喲
隨餃子仲可以轉套餐配麵或者日式飯糰，後者聽落特別爛然揀佢啦，餐牌指明係用日本米，質感綿得嚟又粒粒分明，本身都夠香唔洗加任何調味就食得，好鐘意佢入面有啲牛蒡令飯糰生色不少
另一必推嘅仲有家後鮮大腸羹，表明用上鮮大腸，咬落好彈牙，不過可能我麻麻地薑，又可能為咗蓋過鮮大腸陣味，感覺其實有少少過多薑，不過好鐘意佢每啖都帶肉絲而且仲有豬紅粒呢兩點真係加分不少，整體都幾值得試
小食方面仲有日式炸鶏同淨豬手，其實兩款都唔錯，特別豬手燜到超腍超入味，唔洗點咬果種，係我最鐘意嘅冇牙婆系列xD 最後一定要食埋個日式手作芝士蛋糕，都係店家自製，芝士味夠重，蛋糕質感軟綿同時又夠實在，超得我心，其實除咗芝士蛋糕佢地都有整埋布甸，不過呢個就留返下次先，好嘢唔一定要一次過食哂㗎嘛
Post
