Video
Read full review
2023-02-20
521 views
餐廳：上戶酒場 (九龍城)地址：九龍城龍崗道33-39號龍翔閣地下A號舖每次行經九龍城，都會見到呢間以木系裝修嘅居酒屋——上戶酒場相當引人入勝🏮，原來唔經唔覺餐廳都已經開咗兩年幾。無論門面定室內設計，全間餐廳嘅牆身、吧枱、座位都喺用唔同嘅木材去砌成，別具原始風格🪵呢間日式居酒屋除咗一般日式料理之外，以煙燻系列食物、刺身同壽司做主打🍣，大部分食材都喺每星期到店嘅日本飛機貨🛫，唔少人都因為佢哋嘅煙燻食物而過嚟食飯/回頭✝️野菜條伴鯷魚醬 $32師傅將沙甸魚同多春魚加秘製醃料混合整成鯷魚醬，放喺小火爐上面用熱力保持鯷魚嘅溫度，雖然鯷魚醬鮮味濃郁本身都幾鹹，不過配埋新鮮爽脆嘅青瓜條🥒、紅蘿蔔條同白蘿蔔條一齊食就有中和嘅作用，喺道幾好嘅開胃菜😋✝️時令活魚刺身(原條)——愛魚女刺身 $580時令活魚刺身每日都唔同🐟，今日所食嘅喺12-3月屬於旺季嘅日本愛魚女刺身(又稱鮎並)，呢款白身魚喺香港較少見，呈半透明色，肉質肥美而且扎實爽甜，蘸埋加咗蔥花、蘿蔔蓉同Wasabi嘅酸汁就更加突顯魚嘅鮮味；食完刺身，店員將魚骨炸成小食再上枱，可以話喺一味二食，金黃香脆嘅魚骨雖然多幼骨，不過炸到香口，帶有椒鹽香味，送
地址：九龍城龍崗道33-39號龍翔閣地下A號舖
每次行經九龍城，都會見到呢間以木系裝修嘅居酒屋——上戶酒場相當引人入勝🏮，原來唔經唔覺餐廳都已經開咗兩年幾。無論門面定室內設計，全間餐廳嘅牆身、吧枱、座位都喺用唔同嘅木材去砌成，別具原始風格🪵
呢間日式居酒屋除咗一般日式料理之外，以煙燻系列食物、刺身同壽司做主打🍣，大部分食材都喺每星期到店嘅日本飛機貨🛫，唔少人都因為佢哋嘅煙燻食物而過嚟食飯/回頭
✝️野菜條伴鯷魚醬 $32
師傅將沙甸魚同多春魚加秘製醃料混合整成鯷魚醬，放喺小火爐上面用熱力保持鯷魚嘅溫度，雖然鯷魚醬鮮味濃郁本身都幾鹹，不過配埋新鮮爽脆嘅青瓜條🥒、紅蘿蔔條同白蘿蔔條一齊食就有中和嘅作用，喺道幾好嘅開胃菜😋
✝️時令活魚刺身(原條)——愛魚女刺身 $580
時令活魚刺身每日都唔同🐟，今日所食嘅喺12-3月屬於旺季嘅日本愛魚女刺身(又稱鮎並)，
呢款白身魚喺香港較少見，呈半透明色，肉質肥美而且扎實爽甜，蘸埋加咗蔥花、蘿蔔蓉同Wasabi嘅酸汁就更加突顯魚嘅鮮味；
食完刺身，店員將魚骨炸成小食再上枱，可以話喺一味二食，金黃香脆嘅魚骨雖然多幼骨，不過炸到香口，帶有椒鹽香味，送酒食一流👍
✝️活北寄貝刺身 $328
原隻北海道雖然價錢有啲貴，不過當你將北寄貝肉一啖放入口，嗰種肥美厚實嘅甘甜鮮味真喺沒齒難忘🤤，彈牙嘅肉身配上煙韌嘅北寄貝裙邊，真心值得細味品嘗🥰
✝️煙燻羊架(二支骨) $128
師傅先用胡椒、鹽同其他香料醃製羊架，再輕輕煎到表面呈金黃色🔥，同時間逼出油脂令羊羶香更出色🐏，之後用櫻花木燻羊架去到7成熟，食落仲增添一份煙燻櫻花木嘅香味🌸，
雖然羊架嘅脂肪有啲多，但煙燻嘅整法又真喺令羊架無咁油膩😝，
飲埋杯冰涼香甜嘅巨峰梳打($42)就既解渴又解膩
✝️煙燻沙白 $68
沙白嘅肉較花甲同蜆大粒，就咁原味食嘅話味道鮮甜但比較清淡，質感煙韌，居酒屋完美咁清除晒沙白本身有嘅沙土，洗得好乾淨👏，
加上煙燻木香令沙白嘅味道層次昇華🪵，令平平無奇嘅沙白都變得更好味Post
