焰 Kaen (Closed)

生日🎂正日，好開心有人book 左尖沙咀呢間-焰🔥Kaen-同我慶祝。呢間餐廳原來係食日本野，餐廳勁有風格，裝潢以紅色黑色為主，牆身都係日本傳統刺青，超有型。出面睇似酒吧，入到裏面就係用餐廳區，座位寬敞坐得舒服。呢度既食材係餐廳嚴選當季日本最新鮮，保證係正野。餐牌樣樣野都好正，樣樣都好名貴😍😍，真係好難揀。魚子醬金倉魚帆立貝芒果塔呢個芒果塔好精緻，係用左北海道既新鮮帆立貝及金倉魚，仲有鮮甜芒果粒粒及松葉蟹肉，面頭鋪滿魚子醬，加埋自家秘製醬汁，好醒胃。焰 。 極上手握壽司盛合十款唔同壽司，樣樣都好新鮮，特別鐘意飽滿鮮味濃郁既馬糞海膽，油脂香濃既金倉魚腩，魚鰻都好正。😋鰻鱺鰻魚我好鐘意，呢個燒鰻鱺，外脆內juicy，無得頂。法國鵝肝赤海老茶碗蒸最頂係彈牙既赤海老，第二層係入口即溶、濃濃鵝香味既法國鵝肝，底層就係又香又嫩滑既蒸蛋，個蒸蛋索唒赤海老同鵝肝既精華，相當出色。牛油果天婦羅我未食過牛油果既天婦羅，估唔到咁好味。最後梗係一人食返一個精緻的甜品啦，豆腐雪糕同柚子雪芭，完美作結。