美心MX (石蔭商場) (Closed)

年三十提早收爐，去美心求其買個飯。點知好多都售罄或者製作中。因為懶得等，就買左唯一一個唔洗等既海南雞飯。原本都無咩野期待，果然個冬瓜湯真係好麻麻，個湯好似水加鹽咁，入面仲要只得1粒冬瓜。飲完個湯，就食埋個飯啦，d雞下面全部都係菜，有d檸檬汁，酸酸地。菜就好普通，但係估唔到d雞幾好味。全部雞無骨得黎大大舊，而且肉質好嫩滑，有8舊，真係啖啖肉，配埋最鍾意既甜醬同薑蓉。食雞食到好滿足，為黎緊雞年打響頭炮。