Read full review
2020-03-05
193 views
疫症下諗住少啲人排隊 中，所以決定去試下。我兩個大人 加 一個BB ，有BB車同行，服務員原先安排我們坐喺較擠迫嘅位置，叫我地將BB車放在另一邊，我地同佢講：BB車想放喺我地隔離，唔介意等下一張枱。服務員回應「好」 ，於是安排排喺我地後面嘅顧客先行入座。好快又輪到我地，我地目測BB車係可以放喺我地旁邊，所以入座，點知同一個服務員都係叫我地將BB車泊喺出菜處旁，我地唔想再糾纏，所以聽話地泊好架車， 唯有抱住BB食。點知嘢食未到，我就發現服務員倒瀉凍飲，整濕咗掛喺BB車後嘅奶粉袋！服務員無話我地知，我走過去自己抹時佢地又唔幫手，又唔俾紙巾，只係細細聲講「唔好意思」就算！ 作為一間日本餐廳，呢種服務實在令人太失望！！講返食物，我地叫咗朱古力香蕉pancake 、跟餐熱咖啡、皇室奶茶。 pancake 唔係好鬆軟，無驚喜。朱古力醬不太甜，幾好；忌廉好香，好好味，令pancake 生色不少！ 但全部都用即棄餐具，非常唔環保。同埋令顧客唔會有「enjoy」嘅感覺！如果只係想一試，都可以嚟吓嘅；但如果想享受一下，就唔建議嚟呢間分店！最後我地準備離開時，服務員嚟執枱，佢都執緊嘢，佢先問我地：「啲食物唔
我兩個大人 加 一個BB ，有BB車同行，服務員原先安排我們坐喺較擠迫嘅位置，叫我地將BB車放在另一邊，我地同佢講：BB車想放喺我地隔離，唔介意等下一張枱。
服務員回應「好」 ，於是安排排喺我地後面嘅顧客先行入座。
好快又輪到我地，我地目測BB車係可以放喺我地旁邊，所以入座，點知同一個服務員都係叫我地將BB車泊喺出菜處旁，我地唔想再糾纏，所以聽話地泊好架車， 唯有抱住BB食。
點知嘢食未到，我就發現服務員倒瀉凍飲，整濕咗掛喺BB車後嘅奶粉袋！服務員無話我地知，我走過去自己抹時佢地又唔幫手，又唔俾紙巾，只係細細聲講「唔好意思」就算！ 作為一間日本餐廳，呢種服務實在令人太失望！！
講返食物，我地叫咗朱古力香蕉pancake 、跟餐熱咖啡、皇室奶茶。
pancake 唔係好鬆軟，無驚喜。朱古力醬不太甜，幾好；忌廉好香，好好味，令pancake 生色不少！
但全部都用即棄餐具，非常唔環保。
同埋令顧客唔會有「enjoy」嘅感覺！
如果只係想一試，都可以嚟吓嘅；但如果想享受一下，就唔建議嚟呢間分店！
最後我地準備離開時，服務員嚟執枱，佢都執緊嘢，佢先問我地：「啲食物唔要嘞呵？」
其實問嚟都無意思！
總括而言：無下次
朱古力香蕉班戟
9 views
0 likes
0 comments
Post
