鼎王麻辣鍋 (The LOHAS) (Closed)

今晚去將軍澳康城搵借器材比朋友工作，朋友取完器材就話一齊食飯當然沒問題！佢帶我去到過個商場的尾尾位置就見到佢，原來朋友知道我喜歡吃麻辣口味，於是冇我一齊試吓這間台式麻辣鍋店，店內整體裝修好有懷舊風味，店員服式亦好配合！當然食物質素亦十分之好，而湯底是按人頭計，重點是後面，麻辣湯底可以無限添加鴨血！平時要食幾十蚊一碟，這裡無限添加，還有個白飯任吃嘅自己醬油區，真係食鴨血都已經好開心！而另一個就係酸菜湯底，一樣可以任添加酸菜，鴛鴦鍋底就係首選，其他由任朋友發板，點了個五花去骨鮮牛，肉質嫩滑軟熟，在吸收了麻辣湯底嘅味道味道更加濃郁入味！而滷牛筋亦十分出色，熱盪盪上枱，滷味濃郁牛筋軟淋入味，加埋個白飯，又係一個愉快嘅晚上！