馬祖無限時台灣養生涮涮鍋

Open Now

Now Closed

早幾日跟朋友去吃飯, 個個都認為打邊爐就係最好吹水嘅地方，圍爐坐埋一枱，但係有時糾結位就係限時，朋友話上網見到呢一間冇限時，價錢都公道，俾返相應嘅嘢你，所以我哋又聚首一堂試下啦。今次我哋點咗：極級Prime Grade安格斯牛頸脊套餐，除左牛頸脊之外，仲有Prime grade 美國安格斯牛肉 、西班牙伊比利亞黑毛豬 同埋 西班牙無激素雞豬肉片。兩款牛都唔會好多肥膏，同埋我最鍾意佢係用機切到好薄，相對唔會咁膩。再加上肥瘦分布比例好均勻，肥膏脂肪相對少啲，食得比較健康。重點推介：手打丸類，自家製嘅墨魚丸，蝦丸，牛丸等等都好新鮮。花膠仔：完全冇腥味，打邊爐必點。Shake Shake番薯條：有四種口味可以選擇，麻辣味紫菜味梅味同埋蕃茄味。新鮮海鮮：有沙白、蝦，非常新鮮。飲品方面：有自家製冷泡桂花烏龍、冷泡日月潭蜜香紅茶、愛民芒果茉莉花茶 同埋 黑糖冬瓜檸檬茶。