味火鍋 (華僑商業中心)

同好耐冇見嘅朋友食飯，預咗一定會有好多嘢傾，所以專登揀咗呢間無限時嘅牛肉放題。本來想揀瑤柱冬瓜鍋，不過賣晒，最後揀咗女神豆乳木瓜玫瑰窩，口感滑嫩、清爽同甜美花香完美結合。潮汕牛肉有吊龍、五花趾、匙仁同埋胸油肉。匙仁口感爽脆，胸油肉有豐富油脂，咬嘅時候油脂溶化，帶領濃郁嘅牛肉香。另外仲有海鮮，海蝦、鮑魚、鱔片都係任食；啤酒汽水任飲，以 $395 嘅價錢嚟講，冇限時食到高質潮汕牛，真係超值。