燒肉牛蔵 (Closed)

朋友鐘意食日本燒肉，心心念念於是帶佢黎到尖沙咀國際廣場7樓的「燒肉牛蔵」大快朵頤。餐廳🍴裝潢非常有格調、用上石磨水泥牆做隔板，設有卡位雅座，私隱度高。我地簡左午市放題每位HKD 558 ，無限時A5日本🇯🇵和牛，多款肉類🥩、蔬菜🥬、刺身、熟食🍲、飲品🥤同雪糕🍦提供。肉類🥩： 基本上雞牛豬羊咩都有，當然回本位係食和牛同澳洲牛。先黎一份日本和牛西冷同肉眼，切得薄身，雪花紋超靚，肥瘦相勻。色澤均勻，切得薄薄的，燒一燒就食得，牛肉味極香濃，入口即化。出色！豬肉醃得好入味，油脂溢出，燒得耐點變豬肉干咁，仲提供埋醬油、七味粉同辣椒粉調味。雞柳同雞翼亦都吾錯，甜甜地。海鮮🦐：大推海老，燒到半熟再加點鹽，新鮮爽彈，仲有帆立貝好清甜，肉質一梳梳，又點少得魷魚🦑呢，獨有香氣，整體所有海鮮好新鮮。刺身🐟：厚切三文魚，肉質厚實，豐腴軟糯。甜蝦新鮮夠曬軟糯，追加。希靈魚甜得黎，魚籽部分好有口感。炸天婦羅🍤：炸冬菇炸粉不厚，仲保持到水份，不錯，仲有榴連炸彈同芋丸波波，做甜點一流。熟食方面吾想燒蔬菜咁乾，嗌左個豆腐雜菜煲，有味淋做湯底無輸，熱辣辣。甜品🍮： 自助吧有小蛋糕仔，仲有各式各樣的雪條，每人仲可以有一客MO