餐廳五周年仲推出優惠送一煲蟲草花烏雞湯🍲，呢個湯勁正，好濃郁👍，入面仲有半隻烏雞🐓，仲有好多龍眼肉、杞子同蟲草花🤩，好鮮甜，我就冇用個湯嚟打邊爐喇，全部就咁飲晒，好補好養生🥰
一嚟就上咗個雞煲先🐓，雞煲份量好多，醬汁都好惹味，雞件都好滑，好juicy🥹。雞肉唔夠食仲可以喺出面攞多啲放落個雞煲度煮🤓，食完雞煲就可以加湯打邊爐喇🍲
呢度嘅肉類仲好高質😱，有任食嘅澳洲M4-M5和牛🥩、牛白肉、美國頂級牛肩胛、頂級牛肉、加拿大極嫩保濕豬片🐖。我最鐘意食嘅梗係澳洲M4-M5和牛，淥一陣就食得，入口超嫩滑🥰！
出面仲有好多唔同種類嘅蔬菜🥬、丸類，仲有牛舌👅、水魷、牛栢葉、鮮魚片、墨魚滑、鴨血等等，想食咩就夾咩🫵🏻！
餐廳仲有個優惠，即場打卡仲送竹籠蒸海鮮📸，全部都有即場用蒜蓉即蒸，有鮑魚、蝦🦐、帶子、蠔🦪同粉絲蒸蟶子，全部海鮮都好新鮮🌊
飲品同甜品都有好多選擇🥤，有好多款自家製嘅甜品，有彩虹啫喱、牛奶布甸、木糠布甸🍮，仲有冰粉、豆腐花、龜苓膏，好豐富呀👀！
雪糕係自己𢳂嘅🍨，有芒果味🥭、士多啤梨味🍓、同朱古力石板街味🍫，仲可以加埋泡芙落啲雪糕度一齊食🤩！
1
1
1
