先上雞煲，揀咗麻辣大腸雞煲（可揀不要大腸）。雞煲啲雞係成隻斬件，有不同部位，並唔係雞脾肉，我最like就係呢類。要咗少麻少辣，味道不錯。
之後打邊爐，揀咗花膠濃雞湯（冇要到隻雞脾）。先飲碗雞湯，味道幾濃，好飲。同一時間，店員會拎火鍋料上枱。
花膠環球海鮮盤：鮑魚（新鮮，仲郁緊）、貴妃蚌（大隻，甜）、花膠（厚身）、蝦（正常）、帶子（其實係沙插，好韌）、蜆（有少少沙）。
安格斯牛小排：質素唔錯，唔過肥。
西班牙白豚肉：冇豬臭味，亦唔嚡，還可以。
生劏龍躉片併爽脆鱔片：龍躉厚肉有魚味、鱔片彈牙但冇咩味（亦好在冇泥味）。
手打蝦丸：一般，有一粒有怪味。
韮菜餃併白菜餃：韮菜餃好食、白菜餃普通。
即炸脆響鈴：真係即炸，上枱時仲熱辣辣，入口即化，浸湯/直接食都好好味。
田園時蔬：正常。
健康素什菌：正常（金菇偏韌）。
之後追加咗牛、韮菜餃、響鈴、炸魚皮（是脆的）、炸芋頭（夠粉）。
最後坐咗成4個幾鐘，吹夠水，食到飽，飲到夠，大滿足。
1
1
1
1
