八沢 (筲箕灣東大街)

Open Now

Now Closed

好耐之前同朋友行山之後你過筲箕灣東大街試過一碗好好味嘅海鮮烏冬，非常懷念！今次都係同屋企人一行六人，慶祝父親節食飯餐好嘅日本野。根據OpenRice上面嘅電話打去預約，但係一直都無人聽，到最終都係去walk-in 。鋪頭位置都方便，筲箕灣地鐵站一出行3分鐘就到，店舖入面座位不算寬躺，直頭覺得好窄，不過見佢好味，呢啲嘢都唔太重要。其實點佈置設計都非常似日本風，感覺好似真係去咗日本一樣。一嚟就叫咗我最掛住嘅黑松露忌廉海鮮烏冬，同以前一樣咁好味，估唔到黑松露同忌廉湯係咁夾！成碗夠晒足料又好食。之後叫咗好多小食串燒等等，味道不錯。值得一題係個海鮮拼盤喎，入面有好大隻新鮮虎蝦，帆立貝，廣島蠔另外我地仲添加咗黑豚肉，食完哂海鮮先加黑豚肉落去，一鍋兩食係正嘅。