Video
Read full review
2025-07-06
114 views
尖沙咀開咗新分店趁早收工就去試吓咁啱俾我坐到搖滾區望住個同事燒嘢食見到個流程有晒系統同埋燒得幾快手平日夜晚室內幾乎坐到滿晒室外雖然有啲熱但都坐咗一半望住個哥仔氣定神閒係咁唔停手咁燒呢個天氣嚟講認真佩服！！五花腩係10蚊串！真係要強調返🤣就算一坐低嗌返十串八串我都覺得合理唔係得一啖嗰種更加唔係乾真真得辣味嗰種另外有青椒仔同翠玉瓜等等都係10蚊串留意返青椒仔係堅有椒味嗰隻辣～味噌松阪豬同豚肉荔枝卷係我嘅必選雞嘅話我就揀雞皮同免治雞肉棒～味醂魚干配啤酒都係必勝配置嚟🤣啊！呢間一樣有48蚊買一送一生啤！一樣係坐低就嗌唔洗考慮唔好錯過嘅級別燒茄子係偏辣偏蒜仲加埋辣菜甫一啖茄子一啖啤酒除咗爽都唔知點形容好🍻墨魚滑大蝦同明太子忌廉烏冬會比較飽肚小鳥胃嘅要慎選～食完可能要取捨其他串燒餐廳冇話特別限時～如果想同朋友坐耐啲飲多杯啤酒傾多陣偈唔轉場嘅話呢間係個唔錯嘅選擇嚟👍🏻
咁啱俾我坐到搖滾區望住個同事燒嘢食
見到個流程有晒系統同埋燒得幾快手
平日夜晚室內幾乎坐到滿晒
室外雖然有啲熱但都坐咗一半
望住個哥仔氣定神閒係咁唔停手咁燒
呢個天氣嚟講認真佩服！！
五花腩係10蚊串！真係要強調返🤣
就算一坐低嗌返十串八串我都覺得合理
唔係得一啖嗰種更加唔係乾真真得辣味嗰種
另外有青椒仔同翠玉瓜等等都係10蚊串
留意返青椒仔係堅有椒味嗰隻辣～
味噌松阪豬同豚肉荔枝卷係我嘅必選
雞嘅話我就揀雞皮同免治雞肉棒～
味醂魚干配啤酒都係必勝配置嚟🤣
啊！呢間一樣有48蚊買一送一生啤！
一樣係坐低就嗌唔洗考慮唔好錯過嘅級別
燒茄子係偏辣偏蒜仲加埋辣菜甫
一啖茄子一啖啤酒除咗爽都唔知點形容好🍻
墨魚滑大蝦同明太子忌廉烏冬會比較飽肚
小鳥胃嘅要慎選～食完可能要取捨其他串燒
餐廳冇話特別限時～如果想同朋友坐耐啲
飲多杯啤酒傾多陣偈唔轉場嘅話
呢間係個唔錯嘅選擇嚟👍🏻
Post
