Torimen (Closed)

飲品食物好味, 但唔抵係佢有d items迫你俾錢, 以日式餐廳(唔係中菜黎講)算㯲住黎搶~ 個前菜係一舊生菜幾條青瓜$28, 走咗之後睇張單先發覺, 好彩有食哂; 跟住要水因要食藥無普通水, 俾咗支Fiji水你$60(超級市場$22-28支到) #_# 呢兩個items已俾掠水$88 + 10%.首先要講飲品個mocktail - Summer Julep$58, 意外驚喜好好味, 好鮮果fruit punch咁好fresh好解渴, 好似包含咗好多生果strawberry, pineapple, lemon, orange etc~ 超級推介呢柸野飲~串燒都好好味, 但最衰要兩串起, 所以兩個人去叫唔到咁多種類~ 1) 厚燒牛舌$48/串, 有口感, 但牛味無乜, 另外配埋碟側邊嘅鹽醬好味~2) 鷄翼$35/串, 燒得乾身, 脆, 好味, 但咸咗少少~3) 鷄皮$28/串, 都好脆唔油~主打嘅拉麵$68反而我覺得無講嘅咁特別, 麵係彈牙, 湯好濃郁, 但始終不及一蘭, 又超級細碗; 加蛋$15隻~如果佢無咁多附加items extra charges, 相信會更受歡迎~