當時係親戚既同事介紹, 佢地話係西餐私房菜~
因為每晚都只招待有booking既客人, 冇得walk-in.
今年都黎左2次, 仲連住7,8月咁黎~
8月份同左8月之星既屋企人黎食, 一行10人,
book位時餐廳會問你想食咩,or有咩唔食
由於7月個陣黎淨係食左羊架, 今次要食番牛!! (我係牛魔王XD)
佢地既餐係例牌份量:沙律->前菜->海鮮拼盤->湯->主菜->飯/意粉->甜品
但就每次都唔同~你亦可以要求主菜~
1
沙律-魷魚雞肉沙律
魷魚係似刺身咁既質地, 但係熟的~
1
前菜1-芒果蟹肉凍餅
7月黎食都係呢個! 勁足料!! D蟹肉多到冇得輸~
最底下係消化餅~表面個層用火槍燒過, 香味更出!
前菜2-煎鵝肝
呢個都係特別request的~
鵝肝下面墊左厚提子麥包, 上面有藍莓jam點綴~
唔止塊鵝肝好食, 連下面個包都好好味!
海鮮拼盤-勁大堆頭!!花蟹每兩人一隻~
好海鮮, 其他貝類灼得岩岩好, 唔會過熟變乾
湯-今次係蘑姑湯~蘑姑又係我至愛~(我太多至愛XD)
好容!啖啖蘑姑肉!! 飲到個湯已經飽左一半....
主菜-煎牛排
好貼心! 留意到中間個D係生少少, 大約5成,
兩旁個D係熟D嫁~~有7-8成!!
咁樣唔鍾意食咁生既唔怕血淋淋,
鍾意血沐沐又可以食中間既~~~so sweet!
1
意粉-每次佢地既意粉/飯都唔同~
7月個陣食左個墨魚汁意粉,
今次呢個係蟹肉露荀意粉,
蟹肉一D都唔孤寒, 而且成個意粉一D都唔乾,
次次食到呢度見到個意粉都飽, 都會食幾啖,
因為雖然意粉只係平平無奇, 但真係會有驚喜!
最後仲有甜品.....!!
佢地既甜品一定係雪糕蛋糕~
雪糕底下係威化餅黎~~
希望佢地繼續keep住水準!
我會繼續支持嫁!!!!
