時代冰室 (公主大廈) (Closed)

經歷過疫情之後，好多茶餐廳同冰室都已經執咗，留得低嘅除咗因為實力之外，應該就真係貨真價實啦！今次嚟到炮台山試吓呢間冰室，真係乜都有得食㗎喎！茶記嚟講佢都真係贏曬啦個餐牌真係睇到眼花撩亂，款式又多，價錢又唔算好貴，好少見茶記有咁多特色嘢晚餐就要對自己好啲，今次點咗份海陸空三拼鐵板扒，有牛仔骨、大蝦同乳鴿！認真嚟講，平時食雜扒都係雞牛豬，呢種配搭就真係第一次啦！而且仲要唔難食喎，真心幾正呀！另一款就係珍寶肥牛芝士鐵板飯，肥牛份量超多，好似食極都食唔完咁，加埋雙蛋同芝士一齊撈，真心正呀！見到茶記竟然有呢款High Tea😊呢個真係有啲驚喜，首先係擺盤都真係唔差，其次係食身都好多元化。底層有炒滑蛋、薯餅、沙律。呢層最正係個蛋，因為真係好滑。第二層係雞翼、台灣腸、德國腸、珍寶腸。最高層就係甜品，有西多士、菠蘿、士多啤梨、藍莓。呢層真係好甜呀！女士必食，極力推介！