咖啡弄 (Closed)

記得以前，太約早半年前都要排隊先有得食，而家lunch 時間1點半，場內只有一半人入座，同以前人流差得實在太遠到底係咩原因？服務質素差左？食物質素差左？我地黎到一人點左一個餐，朋友再點左杯野飲，因為我唔舒服就唔想叫野飲，想飲水，點知侍應話最低消費係一人一杯野飲，食物不包括最低消費姐逼人飲野姐咁樣都叫善待顧客咩？最後我叫左杯紅棗桂圓茶食物一如既往要等15分鐘以上，一直以來都覺得等係值得架因爲好食係要用心同花時間製作，所以我願意等，我地叫左個龍蝦堡同乾抄咖哩豚肉飯，一杯ice latte ，一杯紅棗桂圓茶，大約20分鐘豚肉飯就到啦，但個飯竟然係凍架我相信佢地係一早先將飯放上碟再等個肉煮好出黎，所以肉係熱騰騰，飯係凍既，就算肉幾好味都好，配一個凍飯已經唔好食龍蝦堡半個鐘都未到...唔緊要，我等我每次黎都食龍蝦堡，因為多肉配埋個包好好味，唔知今次食有咩感覺呢？等左40分鐘個龍蝦堡終於到啦，但龍蝦同包分開左，以前係包中間開一刀，然後個包夾住啲龍蝦，但今次分開，一切啲龍蝦就跌哂落碟到，雖然味道冇太大嘅出入，但我中意以前既多啲，失望