鳳城酒家 (Closed)

未過新十五，相約兩襯家飲茶，因家母未去過，所以挑呢間鳳城。d點心陸陸續續o甘黎，碟金蒜鮮蝦春卷黎到，一食入口，即刻鉤起我上一次食呢個春卷既回憶。事緣上次食既時候已經發覺裡面無蝦又吾覺什麼樣金蒜，懷疑會吾會黎錯？但已食到七七八八，所以都無再追究落去。點知今次又係o甘，找來侍應查詢係咪有兩種春卷，回應話只得一種，佢猶疑片刻後講話如吾o岩食可以取消，o岩食就可將大點更正（見圖）為中/小點（記不清楚）。既然得一種普通春卷，為何要作多”金蒜鮮蝦“四隻字，並收大點錢呢？其實普通春卷你都可以收大點錢，但明明無o個d料，就吾好寫出黎誤導食客啦。如果係甘，清炒西蘭花咪可以寫金蒜鮮蝦炒西蘭花收多人幾十蚊？？？？希望佢地係無心之失，並盡快更正點心紙吧。