入到去，真係好後悔無上黎睇一睇食評。(仲唔記得影相)
唔洗等位，4個入去都有卡位坐，環境都唔錯，昏昏暗暗幾岩我style，不過D路就窄左D，肥少少既人行路都幾易撞到其他客人。
唔知忙定點啦，直到叫餐時都未有人上茶，而我仲見到2個待應企埋一邊傾緊計
餐廳廚房屬於半開放式，個子夠高既客人可以睇到入面壽司吧既環境。
叫完食物，我起身去個廁所，點知比我聽到疑似老闆娘(因為望上去年紀比較大同有霸氣)同D侍應講「D蘿蔔絲同葉唔洗扔左佢，擺係到轉頭用水沖沖佢，就可以再用，唔好浪費資源」
蘿蔔絲同葉都可以重用?!
我本身都係日本餐廳到做左5年，所以當我聽到個老闆娘咁講之後，我成個人呆曬
返到坐位見到隔離台係到食緊三文魚刺身既蘿蔔絲同紫蘇葉，我都有d反胃!
老婆問我咩事，我又唔想破壞依場聚會，唯有同佢講有少少肚痛啦。
不過之後上左咩菜我都唔知，個腦一直係到諗住老闆娘所講既野...
唯一記得既就係食左個"蟹羔壽司"....因為真係腥到不得了
連友人都吐返出黎。
