Video
Read full review
2016-06-15
3381 views
同朋友相約食旺角下午茶，最後選擇左呢間想食好耐、經常係openrice排行榜見到既「老點」。入到去，估唔到過左午市都有好多枱客，睇黎老點都幾受歡迎！老點賣既唔係傳統點心，而係自家創作既新派點心，而且種類繁多又每樣都好精緻，我同朋友都揀左好耐，好在有店員悉心介紹。咸點類 吾係老點小漢堡($24)估唔到係點心店會有迷你漢堡食，當然要試試！面包微微烘過、十分脆口，中間夾住炸蝦膠，炸得外脆內爽口，而醬汁更特別，用上wasabi加蛋黃醬，帶點攻鼻清新既感覺，配上熱辣辣漢堡蝦，味道口感卻出奇地夾，食落十分過癮。 咸香黑魚子燒賣($29)燒賣大大粒非常彈牙，蝦味亦夠，絕對足秤。可惜作為綽頭既黑魚子味道唔算突出。 高湯魚翅灌湯餃($38)老點招牌菜之一，果然冇令我地失望！高湯十分濃郁，魚翅晶螢剔透亦夠粗身，灌湯餃皮薄而足料，有大蝦及帶子幾隻，另外亦奉上一小碟醋以調味。我地除左將灌湯餃食完，亦將高湯一滴不漏地飲乾淨。 蝦膠鑲玉子豆腐($22)天氣太炎熱，要食返啲唔立口嘅野，老點呢度原來會根據季節而更換餐牌上嘅點心。店員話呢款點心就係夏天先推出! 玉子豆腐做得好好，非常滑溜，同爽口彈牙既蝦膠形成對
咸點類吾係老點小漢堡($24)
估唔到係點心店會有迷你漢堡食，當然要試試！面包微微烘過、十分脆口，中間夾住炸蝦膠，炸得外脆內爽口，而醬汁更特別，用上wasabi加蛋黃醬，帶點攻鼻清新既感覺，配上熱辣辣漢堡蝦，味道口感卻出奇地夾，食落十分過癮。
咸香黑魚子燒賣($29)燒賣大大粒非常彈牙，蝦味亦夠，絕對足秤。可惜作為綽頭既黑魚子味道唔算突出。
高湯魚翅灌湯餃($38)老點招牌菜之一，果然冇令我地失望！高湯十分濃郁，魚翅晶螢剔透亦夠粗身，灌湯餃皮薄而足料，有大蝦及帶子幾隻，另外亦奉上一小碟醋以調味。我地除左將灌湯餃食完，亦將高湯一滴不漏地飲乾淨。
蝦膠鑲玉子豆腐($22)天氣太炎熱，要食返啲唔立口嘅野，老點呢度原來會根據季節而更換餐牌上嘅點心。店員話呢款點心就係夏天先推出! 玉子豆腐做得好好，非常滑溜，同爽口彈牙既蝦膠形成對比，一口一個、將兩種口感同時咀嚼，令人食過番尋味。
甜點類戚風班蘭馬拉糕 ($22)
普通用紅糖整嘅馬拉糕就食得多，用班蘭汁整嘅，真係第一次食。班蘭糕好有新加坡特色，上枱時顏色先聲奪人，食落好軟熟同蓬鬆，帶有好輕微嘅班蘭香味，食完都唔會覺得濟。
綠茶荔蓉餅 ($20)我自己係個綠茶控，所以一見到呢個點心就叫左！外面係綠茶皮，面頭灑上白芝麻，內裡係芋頭蓉。雖然食唔出綠茶味道，但內裡嘅芋頭蓉非常香，個餅亦煎得香脆，再送啖熱茶，做下午茶一流！
一口豆漿($12)
天氣咁熱最好嗌返支凍豆漿！$12有一大支，而豆味尚可，用作消暑解熱一流。總結黎講，呢度嘅點心唔單止有綽頭，味道同賣相都引起我同朋友嘅食慾。個tea食到飽一飽，地方又無普通茶樓咁噪雜，下次會再黎呢度嘗試新點心!!!!
Post
