我去個日係年三十晚,心情靚靚地諗住去食碗糖水.之後就同朋友去左呢間寶益~我就叫0左碗芒果小丸子西米撈,點之係上枱個一刻,竟然變0左碗又熱又核突0既西米撈,D小丸子完全係痴埋一舊舊,浮係碗西米撈中間,點都分唔開要成塊食,最差就係D西米撈成碗已經熱哂.我諗住問下阿姐有冇冰,佢竟然好悔氣答我:「我地成間舖頭都冇冰架喎!」我之後就再同佢老闆講,話D小丸子攪到我碗野熱哂,老闆就0甘同我講:「如果叫小丸子就係有0甘樣唔好啦,因為D小丸子係熱,所以成碗糖水咪變暖啦!」我聽完之後就好嬲,因為佢係老闆點可以0甘0架,個糖水係個餐牌入面有,而唔係我去要求你特別加出來比我,根本已經冇服務可然.我之後就再同佢講想換過第二樣野,佢就即刻話好惡0甘話:唔得,佢話一係幫我拔走D小丸子加多D芒果比我,最多計你$16(因為原本就$20)唔收你小丸子錢,但係碗野都係你0架.佢講完呢句之後,我個朋友就即刻火都0黎埋,就同0個老闆講:「你幾時有見過熱0既芒果西米撈呀?」佢聽完之後就粒聲唔出,發脾氣地拎走0左碗西米撈同刪0左過我地張單個價錢.經過呢次之後我地以後都唔去呢間野,又冇服務又難食.真係超差..
(PS.其實係我地係0個間舖頭入面0個陣,0個老闆已經不斷同D想外賣既客好惡0甘講:「外賣要等4,5個字呀,我地要跟單做呀,我地好多單呀!」根本就係趕客)
The above review is the personal opinion of a user which does not represent OpenRice's point of view.
Like
