韓牛牧場 (Closed)

好耐無飛去韓國，好掛住食韓燒，不過今晚係韓牛牧場都可以享受韓燒感覺🎎 🥰 世子牛盛套餐～120分鐘食放題😍 $298呢個套餐仲可以到自助海鮮吧攞蝦、翡翠螺、青口及泡菜等小菜沙律，而且極上定量包括：🔅6色刺身拼盤🔅4合海鮮燒烤拼盤🔅刺身韓牛壽司🔅韓國醬油蝦🔅安格斯肉眼扒🔅法式羊架 任飲任食包括燒烤肉類如五花腩，還有串燒、蔬菜及海鮮，燒烤食物可放係光波爐上面煮熟，有計時器調校合適時間🤗 而且無油煙。呢度點菜都好方便，只要掃瞄佢嘅QR code，就可以隨時點菜，等一陣就馬上送到枱上 還有壽司、炸物、天婦羅、韓式風味炒大腸等😋😋😋 真係超多選擇😍 食物質素又唔錯，炸物都好好食 🥤🧋🧃飲品亦有好多選擇，包括橘子汽水、鮮奶梳打及提子汁等，還有雪條及雪米磁🍡真係包羅萬有。