目黑壽司 (Closed)

到了淘大，無乜心水吃甚麼，走來走去，到目黑一試。其實日本壽司店，大多大同小異，很多時抱個心態係：喂，你去過邊間邊間食未呀？跟住一窩峰的去試，之後都未必會再去。不過不打緊，香港七百萬人，逐個逐個去試，間食肆都有排撈。講返呢間，都係無乜突出之處。壽司轉來轉去幾款，新鮮又唔係特別新鮮，總之味道容易使人遺忘。點了個牛肉蕃薯飯定食，蕃薯糖水味汁，幾特別。不過牛肉麻麻，真想走過去吉野家換過個。有個ＢＢ瞓在咕臣上，個樣好得意，應該只係三四個月大。