博多拉麵別天神 (Closed)

博多拉麵別天神分店一間接一間，可見其受歡迎程度，我亦特別中意下午到訪拉麵店，一碗拉麵做Lunch岩岩好。中環分店不算大，以Bar枱為主，格局似平時日本的拉麵店，感覺很有風味，門口亦有自助點餐機比食客自行落單，方便快捷。牆上貼滿「心願成就の繪馬」貼紙，寫滿香港人的祝願，特別感觸。呢度主要提供2款拉麵，「豚骨湯麵」及「蝦味噌豚骨湯麵」，貴精不貴多同朋友每人叫左一set~先來小龍蝦蟹籽沙律，賣相味道同樣交足貨，小龍蝦分量不少啖啖肉，加埋蟹籽好有咬口，仲可以卷住紫菜咁食，我覺得就咁食比較過癮。煎餃子不過不失，反而幾中意餡料唔會有好重的胡椒味/味精，感覺比較健康。朋友點的豚骨湯麵，用上超濃白湯，只用豚骨加純水熬制，無落味精或乳製品成分，相當用心。湯頭唔係濃稠嗰種，食出豚骨的鮮甜味，喝得舒服又健康；特別要讚下佢地既叉燒，每塊都好鮮嫩軟滑，加埋大量香噴噴的蔥花。蝦味噌豚骨湯麵配料豐富，有溏心蛋、叉燒、櫻花蝦、玉米、香蔥，幼身麵條質感有咬口，岩我口味；櫻花蝦令蝦味噌湯底鮮味更突出，唔會過份咸得口渴，配埋香甜玉米幾好味。