Video
Read full review
2019-01-13
432 views
肥妹仔早排去咗尖沙咀嘅呢一間黃記煌三汁燜鍋度食海鮮燜鍋。肥妹仔之前係未食過嘅，但係見到佢近期做緊優惠， 而且仲可以即場叫許留山嘅飲品同甜品，真係非常特別。食完仲會送許留山嘅優惠卷， 非常之抵。海鮮自選燜鍋 $298我哋叫咗個海鮮自選燜鍋， 肥妹仔我哋就揀咗石斑魚柳，白蝦，墨魚仔，大腸。醬料方面就揀咗個海鮮鹹醬，雖然話係鹹醬，但係一啲都唔鹹，但係就有海鮮醬油嗰陣鮮味，同自選嘅海鮮非常夾。先講佢嘅海鮮，魚柳好嫩滑，白蝦同墨魚仔就爽口彈牙，大腸洗得好乾淨，完全冇異味，質素非常高。涼拌鮑片海蜇頭 $48呢一個涼拌鮑片海蜇頭非常開胃，酸酸地，但係海蜇頭鮑片就非常爽口，仲有青瓜絲蘿蔔等配菜，食落去口感非常豐富。涼拌土麻辣土豆絲 $17.5依家做緊涼菜第二盒半價，所以就叫多一客土豆絲嚟食。佢嘅麻辣唔算非常麻，辣亦都唔算好辣， 肥妹仔接受到，食落去都幾刺激開胃。澳洲霜降牛肉頰面 $198呢一個霜降牛肉真係好好食，佢個牛味係超濃，可以係肥妹仔食過呢一個霜降牛肉真係好好食佢個牛尾係超隆可以係肥妹仔食過牛肉之中數一數二嘅牛肉。鵝腸 $68鴨血 $38鵝腸同鴨血係肥妹仔打邊爐必要嘅火鍋配料，吸曬啲湯
肥妹仔早排去咗尖沙咀嘅呢一間黃記煌三汁燜鍋度食海鮮燜鍋。肥妹仔之前係未食過嘅，但係見到佢近期做緊優惠， 而且仲可以即場叫許留山嘅飲品同甜品，真係非常特別。食完仲會送許留山嘅優惠卷， 非常之抵。
海鮮自選燜鍋 $298
我哋叫咗個海鮮自選燜鍋， 肥妹仔我哋就揀咗石斑魚柳，白蝦，墨魚仔，大腸。醬料方面就揀咗個海鮮鹹醬，雖然話係鹹醬，但係一啲都唔鹹，但係就有海鮮醬油嗰陣鮮味，同自選嘅海鮮非常夾。先講佢嘅海鮮，魚柳好嫩滑，白蝦同墨魚仔就爽口彈牙，大腸洗得好乾淨，完全冇異味，質素非常高。
涼拌鮑片海蜇頭 $48
呢一個涼拌鮑片海蜇頭非常開胃，酸酸地，但係海蜇頭鮑片就非常爽口，仲有青瓜絲蘿蔔等配菜，食落去口感非常豐富。
涼拌土麻辣土豆絲 $17.5
依家做緊涼菜第二盒半價，所以就叫多一客土豆絲嚟食。佢嘅麻辣唔算非常麻，辣亦都唔算好辣， 肥妹仔接受到，食落去都幾刺激開胃。
澳洲霜降牛肉頰面 $198
呢一個霜降牛肉真係好好食，佢個牛味係超濃，可以係肥妹仔食過呢一個霜降牛肉真係好好食佢個牛尾係超隆可以係肥妹仔食過牛肉之中數一數二嘅牛肉。
鵝腸 $68
鴨血 $38
鵝腸同鴨血係肥妹仔打邊爐必要嘅火鍋配料，吸曬啲湯汁，好正。
油麥菜 $35
油麥菜幾新鮮爽口。
手打丸雙拼 $69
手工鵝肝蝦丸，手工泡菜蝦丸。 呢度嘅蝦丸款式都幾新穎， 鵝肝蝦丸食落去有微微嘅鵝肝醬味，好食。而泡菜蝦丸亦都唔錯。
牛筋丸韭菜餃$42
一般大路貨色。
香脆魚皮 $38
出前一丁 $15
西瓜汁 $48
粒粒芒果爽 $29
芒爺蘆薈爽 $29
芒椰奶西 $29
我相信許留山嘅飲品又幾好飲都唔需要肥妹仔我多介紹啦，真係係食咗咁多咁好味嘅嘢叫返一杯芒果製品嘅飲品， 為呢一餐畫上完美句號。
Post
