Video
Read full review
2021-10-02
194 views
火鍋之友又引誘Be啦！話有間喺mk新鮮滾熱辣開業🔥主打無限時嘅火鍋放題店🔥想要一齊去挑戰肚皮極限喎！又幾爽喎！唔使顧得吹水嚟又趕住時間食咁！一於進入作戰模式衝上去啦😝😝.為咗嚟戰鬥😆連午餐都skip咗嘅兩條友揀咗每位$498(正假時段)(假日額外+$10@)果個餐🤗🤗可以任食🥩極級SRF極黑和牛肩脊肉&Prime Grade安格斯牛頸脊&西班牙伊比利亞黑毛豬等五種靚肉！當中Be最愛SRF和牛肩脊😍😍牛味香濃之餘又入囗軟腍！.🍲湯底有成差唔多廿款可以揀！選擇困難症嘅Be俾友人選擇咗藥膳椰子雞涮涮鍋❤️湯底超香椰子味！材料有大量雞件同配料🥰🥰清甜鮮美！等緊湯滾之時店員仲會送上每枱一碟熱辣蕃薯條俾我哋Shake Shake過住癮先添！.除咗多款🥩肉肉用QR code 落單之外！仲有好多火鍋料可以點！當中最推介點🦐海蝦, 白鱔片, 台灣鴨血(食涮涮鍋點可以缺少), 手工丸(當中以爆醬濃芝牛丸&金沙魚蛋最特別最得Be歡心😘), 🥬蔬菜......另外自助區當然有大量飲品可以任拎啦！除咗正常嘅汽水之外仲有自家製冷泡茶(當中Be大愛支愛文芒果茉莉花茶🥭唔太甜又夠清心), 同埋竟然有少見嘅熱飲櫃！啱哂養
火鍋之友又引誘Be啦！話有間喺mk新鮮滾熱辣開業🔥主打無限時嘅火鍋放題店🔥想要一齊去挑戰肚皮極限喎！又幾爽喎！唔使顧得吹水嚟又趕住時間食咁！一於進入作戰模式衝上去啦😝😝
.
為咗嚟戰鬥😆連午餐都skip咗嘅兩條友揀咗每位$498(正假時段)(假日額外+$10@)果個餐🤗🤗可以任食🥩極級SRF極黑和牛肩脊肉&Prime Grade安格斯牛頸脊&西班牙伊比利亞黑毛豬等五種靚肉！當中Be最愛SRF和牛肩脊😍😍牛味香濃之餘又入囗軟腍！
.
🍲湯底有成差唔多廿款可以揀！選擇困難症嘅Be俾友人選擇咗藥膳椰子雞涮涮鍋❤️湯底超香椰子味！材料有大量雞件同配料🥰🥰清甜鮮美！等緊湯滾之時店員仲會送上每枱一碟熱辣蕃薯條俾我哋Shake Shake過住癮先添！
.
除咗多款🥩肉肉用QR code 落單之外！仲有好多火鍋料可以點！當中最推介點🦐海蝦, 白鱔片, 台灣鴨血(食涮涮鍋點可以缺少), 手工丸(當中以爆醬濃芝牛丸&金沙魚蛋最特別最得Be歡心😘), 🥬蔬菜......另外自助區當然有大量飲品可以任拎啦！除咗正常嘅汽水之外仲有自家製冷泡茶(當中Be大愛支愛文芒果茉莉花茶🥭唔太甜又夠清心), 同埋竟然有少見嘅熱飲櫃！啱哂養生唔啱凍飲嘅朋友👍最後飽到不行了😆😆一人可以揀一杯Movenpick雪糕🍨食埋超滿足咁完賽離場！！
7 views
1 likes
0 comments
Post
