黎到當然叫最出名的豬扒同炸雞脾啦，因為今日唔係太肚餓揀左豬扒同炸雞脾薯菜同朋友share。
豬扒一到，我已經急不及待切開一啖擺入口，
豬扒肉質嫩滑好淋，表面煎得好香而且鎖住肉汁，好食，點埋個沙嗲汁真係無懈可擊。之後當然要試下個賣相炸得好脆既雞脾啦，一切開已經feel到個皮脆卜卜，入口都相當有水準，做到皮脆肉香既效果。薯仔可點少許糖醬食，另外蔬菜亦可以點個沙嗲汁調味。講返個沙嗲汁，汁夠杰，唔會好浠，杰身原因夠濃味但又唔會太咸，而且辣味夠，愛辣人士不妨一試。成餐飯感滿足，而且個茄子配菜都相當恰配，臨走時有啲衝動想攞走支沙嗲汁添。
唔係朋友介紹都唔知呢度埋藏左間令人會encore既餐廳。
