宴．鐡板燒 (蔡氏大廈) (Closed)

聽朋友介紹 天后開咗一間新嘅鐵板燒+壽司餐廳，仲話食物+環境唔錯添🤟🏻🤟🏻而且有新開業優惠，咁當然要試lunch set 👍🏻果然有驚喜。首先有個頭盤沖繩水雲，味道有少少酸，質感滑口，加埋啲薑蓉超級開胃。而刺身方面，有個魷魚配冷面汁，口感好夏日👍🏻👍🏻而火炙鯛魚壽司燒過後魚皮好爽，油脂豐富。而深海池魚壽司口感特別，刀法好亦睇得出師傅嘅水準。到鐵板燒部份，材料超級豐富。有澳洲大蝦配炒香海草，好香口。北海道帶子配牛油汁，食落去質感唔會話好柴。全餐最愛嘅法國鵝肝配藍莓汁，肥美可口，配合麵包食，簡直係絕配。而肉類就有美國安格斯牛肉，當中有厚切和薄切，而配料有蒜片和經過處理沒有辛辣味的洋蔥。最後以鐵板櫻花蝦炒飯配麵豉湯。總括而間餐廳嘅食物質素亦非常高，而且係天后呢個位置👍🏻👍🏻睇到出色嘅維港景觀，呢餐飯絕對物超所值。