Video
Read full review
2023-10-26
28 views
今次喺天后搵到呢間「宴鐵板燒」試吓，好耐無食鐵板燒，都好期待！首先餐廳嘅風景真係超正，一望出去就係超級無敵大海景！今日就叫咗二人餐（$1988兩位），餐單望落都覺得好豐富！先嚟嘅係「季節前菜（3點）」，第一款係「淮山素麵」，有美顏嘅功效，淮山味道突出，亦都好醒胃；另一款係「北海道帆立貝」，用咗柚子味嘅啫喱調味，加埋好有益嘅莀菜，整體感覺都幾鮮甜清新。而最後一款係「汁煮八爪魚」，呢款係用咗豉油蘿蔔汁煮一小時而成，係幾有驚喜，八爪魚十分軟熟入味，入口即溶，味道濃郁之後就係「澳洲龍蝦刺身」，龍蝦真係生猛到呢，嚟到嘅時候仲「郁」緊，視覺上真係好震憾，龍蝦肉份量充足，有咬勁，味道較為清淡，略帶甜味，可以加上少少玫瑰鹽一併食用，更能提鮮。跟住就係燒物喇！先有「鐵板燒北寄貝」，師傅好有耐心咁燒貝嘅不同部位，然後放返喺隻貝上，擺盤用心又好靚，貝身好彈牙，入口就嚐到爆出嚟嘅鮮味，底下用咗牛油調味，加埋香菇，食落就會較惹味，特別係粒貝柱吸收曬啲精華，更加好食。下一味係「西班牙紅蝦」，上碟時，蝦身上添上蝦膏，入口充滿鹹香，加上本身蝦肉都大嚿，啖啖肉，唔需要太多調味已經好好食，另外蝦腳則燒到脆卜卜，食落又有另
好耐無食鐵板燒，都好期待！
首先餐廳嘅風景真係超正，一望出去就係超級無敵大海景！
今日就叫咗二人餐（$1988兩位），
餐單望落都覺得好豐富！
先嚟嘅係「季節前菜（3點）」，
第一款係「淮山素麵」，有美顏嘅功效，
淮山味道突出，亦都好醒胃；
另一款係「北海道帆立貝」，用咗柚子味嘅啫喱調味，
加埋好有益嘅莀菜，整體感覺都幾鮮甜清新。
而最後一款係「汁煮八爪魚」，
呢款係用咗豉油蘿蔔汁煮一小時而成，
係幾有驚喜，八爪魚十分軟熟入味，入口即溶，味道濃郁
之後就係「澳洲龍蝦刺身」，
龍蝦真係生猛到呢，嚟到嘅時候仲「郁」緊，
視覺上真係好震憾，龍蝦肉份量充足，
有咬勁，味道較為清淡，略帶甜味，
可以加上少少玫瑰鹽一併食用，更能提鮮。
跟住就係燒物喇！先有「鐵板燒北寄貝」，
師傅好有耐心咁燒貝嘅不同部位，然後放返喺隻貝上，
擺盤用心又好靚，
貝身好彈牙，入口就嚐到爆出嚟嘅鮮味，
底下用咗牛油調味，加埋香菇，食落就會較惹味，
特別係粒貝柱吸收曬啲精華，更加好食。
下一味係「西班牙紅蝦」，
上碟時，蝦身上添上蝦膏，入口充滿鹹香，
加上本身蝦肉都大嚿，啖啖肉，唔需要太多調味已經好好食，
另外蝦腳則燒到脆卜卜，食落又有另一種口感，
陪襯嘅係師傅好用心燒嘅麵餅，
吸收咗蝦汁蝦膏嘅麵餅既飽肚，亦都好美味。
同場加映係用龍蝦膏整嘅撈麵，
入口係極鮮美嘅蝦膏味，都真係幾正！
之後有「香煎鵝肝伴藍莓醬」，
呢一味我自己都幾鍾意，鵝肝燒過，外脆內軟，
而且煮得啱啱好，唔會有腥味，加埋嚿包一齊食，
真係會爆汁，而藍莓醬就恰當嘅加返啲甜味入去，令成個感覺再豐富啲！
然後係「美國頂級牛柳」，
呢度有一厚一薄兩款，我自己鍾意食薄牛柳多啲，
中間係夾住好多嘅乾蔥等配料，入口有好豐富嘅牛味，
而且有充足油脂感，又可以食到唔同配料嘅香味，配搭好好，唔會膩
厚牛柳都見出功夫，牛柳雖然厚但就唔會韌，
肉身會較為軟糯，可以慢慢咀嚼，體會牛嘅鮮香
最後有一客「鐵板炒飯」，
呢個值得一讚嘅係師傅用嘅係原粒黑松露！
食落果陣黑松露香味，普通黑松露醬真係完全無得比！
炒飯金黃、粒粒分明就不在話下，成個飯好飽肚好令人滿足。
而「自家製濃魚湯」都真係如其名十分香濃，暖暖胃。
「炒什菜」就係為成個餐寫上句號，炒得好香！而且配咗秘製日式XO醬就更惹味
而今日甜品係「柚子雪葩」，雪葩好大個，
而且柚子味好香甜！
呢個餐真係好飽肚，而且又好豐富！
Post
