嘢食方面選擇唔係好多，但係賣相精緻擺盤打卡able，味道亦都非常不錯。
粒粒魚子與三文魚蛋黃醬飯卷
非常推薦啊！我本身都好鍾意食韓式飯卷，呢一隻配搭新穎得來又輕盈，食完一舊又一嚿，都唔會覺得好滯好膩，係一流嘅輕食
燒醬油黑毛豬白切紫蘇拌飯
黑毛豬味道好好，肉質細膩，亦都有豬肉嘅鮮甜味，配上紫蘇飯，即時覺得自己去咗濟州島啊
飲品亦都係呢間舖頭嘅賣點，叫咗兩杯特飲，包括濟州柑橘乳酸，同埋芒果沙冰，都係非常緻，成個生果擺上杯上面，好有誠意啊
最尾就以芒果窩夫作結，窩夫砌得好靚，而且蛋味濃郁，做到外脆內軟，係非常高質嘅窩夫！
