Honbo (Closed)

望住無敵大海景食野一直覺得係高級餐廳既專享，但估唔到honbo呢間餐廳就係有咁好既位置!今次我地夜晚黎食，可以由日落食到夜景海光閃閃。The Gold Standard ($178)，基本上好多漢堡都係牛，但層次係點就好多變化! 呢個就係2 x 4oz 既既漢堡扒、一層芝士同埋煙肉，一上枱勁震撼，好高! 漢堡既兩塊包好鬆軟唔會變形，個扒好好味! 鍾意佢厚身有口感，超級juicy，個醬汁好好味唔會好膩! 肉煎到好脆，D菜超爽同脆口，又唔會整濕個包!Double Cheese Burger，朋友見到我個個咁正咁高，佢就叫左呢個，都係2 x 4oz 既既漢堡扒，非常cheesy，一樣咁高質!水牛辣雞翼炸得好香口，水牛城醬好惹味但都幾辣下! chili fries ，薯條係幼身，連埋辣肉醬好美味不單調。飲品Mike’s Lemonade，好fresh 有薄荷同青瓜，幾得意既味道! Apple pie iced tea ，好香濃肉桂味，上面仲有兩片蘋果乾。野食好味景又靚，唔怪得咁多人排隊等。