板長壽司 (新都城中心二期) (Closed)

雖然最近壽司郎係香港掀起熱潮，但真係太難book啦，所以我都係乖乖食返板長～今日嘅炙燒三文魚真係世界級食到三文魚本身嘅甜味之餘，炙燒嘅油香+入口即溶，超好味海膽飛魚子，今日嘅海膽好新鮮，超甜因為第一碟嘅炙燒三文魚實在太正，所以忍唔住再點多一次，另外再加埋炙燒帆立貝，本身心諗帆立貝加蒜蓉咁奇怪但食落口蒜蓉嘅香加埋帆立貝嘅甜又幾夾喎見到小食有烤牛舌，牛舌狂魔嘅我當然立即點返一個試下。可惜味道只可以話好一般，牛舌切得有啲厚，都烤得唔香只可以話係不過不失。油甘魚係我每次必點嘅壽司，可惜今日比左筋位我地，不過都新鮮嘅～成餐以三文魚作結尾，保持到一向嘅水準：鮮甜！