Video
Read full review
2018-03-23
523 views
今日同媽咪兩個人撐枱腳，我地兩個都好中意食海鮮，特別係蟹。見門口寫海鮮蒸鍋只係19x。覺得都ok呀，甘就入左去。坐低後有待應黎講解翻收費星期一至四先係19x, 星期五六日會做返正價23x，另外佢有講乜醬料呀加一呀個啲，不過都坐低左我都無仔細聽啦，就叫左兩人海鮮蒸鍋，同埋加$68粥底。🤑 待應仲話今日無龍蝦仔，變左琵琶蝦，不過媽咪話仲少見，ok啦。😕黎到個海鮮盤...好似去左小人國甘...好凋零 (有圖) 好細隻，細過平時係街市見個啲好多 😝😝一開波先蒸蟹同埋琵琶蝦，ok既。奄仔無乜膏但都鮮甜。琵琶蝦我好少食，覺得幾好食。第二波就係重點啦，佢一下將其他所有野(鮑魚，聖子，貴妃蚌，蜆，蝦)放哂落去蒸。😓😓我估佢大約蒸左八至十分鐘...我都心知不妙，因為我以前食過蒸鍋絕對唔係甘樣一鑊熟。😫果然啲海鮮老過橡筋，完全係浪費。😖😖睇我影相都見到個乾既程度...如果要食海鮮乾我會prefer去零食物語買包磯燒元貝，至少人地惹味啲呀... 😑😑😑最後，蒸菜。係仲有個菜籃既。媽呀，我竟然覺得菜係最好食! 真係有啲可悲。😕埋單兩個人食左六百幾蚊 (二人餐+汔水兩罐+粥底)總括黎講完全唔值。講材料，你啲海鮮
坐低後有待應黎講解翻收費星期一至四先係19x, 星期五六日會做返正價23x，另外佢有講乜醬料呀加一呀個啲，不過都坐低左我都無仔細聽啦，就叫左兩人海鮮蒸鍋，同埋加$68粥底。🤑 待應仲話今日無龍蝦仔，變左琵琶蝦，不過媽咪話仲少見，ok啦。😕
黎到個海鮮盤...好似去左小人國甘...好凋零 (有圖)
好細隻，細過平時係街市見個啲好多 😝😝
一開波先蒸蟹同埋琵琶蝦，ok既。奄仔無乜膏但都鮮甜。琵琶蝦我好少食，覺得幾好食。第二波就係重點啦，佢一下將其他所有野(鮑魚，聖子，貴妃蚌，蜆，蝦)放哂落去蒸。😓😓我估佢大約蒸左八至十分鐘...我都心知不妙，因為我以前食過蒸鍋絕對唔係甘樣一鑊熟。😫果然啲海鮮老過橡筋，完全係浪費。😖😖睇我影相都見到個乾既程度...如果要食海鮮乾我會prefer去零食物語買包磯燒元貝，至少人地惹味啲呀... 😑😑😑
最後，蒸菜。係仲有個菜籃既。媽呀，我竟然覺得菜係最好食! 真係有啲可悲。😕
埋單兩個人食左六百幾蚊 (二人餐+汔水兩罐+粥底)總括黎講完全唔值。講材料，你啲海鮮又細。🙅♀️講技巧，你又蒸到過火。🙅♀️講份量，係完全唔夠。🙅♀️(隔離枱不停加錢加野食，我就放棄左) 講價錢，你仲貴過外面旺角同類店舖。🙅♀️(我食過人地有湯有蒸飯有八款靚海鮮都唔洗300) 甘真係一啲可取之處都無。🙅♀️🙅♀️
再差既餐廳都有佢既優點，幾個待應態度都幾好既。我媽食到一隻貴妃蚌臭左，佢同人講都有即刻道歉同比返隻佢。結尾前個主管黎問我地意見，都好聲好氣既。我地都有照直同佢講時間控制得唔好，佢就話佢教伙計係有分時間，佢都唔知做到出黎會變左甘...不過無論原因係乜，我依次既experience都足夠令我講一聲「無下次」 😝
海鮮 二人份
32 views
0 likes
0 comments
蒸蟹 琵琶蝦
29 views
0 likes
0 comments
海鮮乾
28 views
0 likes
0 comments
Post
