5越越南餐廳 (Closed)

行IKEA無意發現美食！容BB早兩日收工同女朋友去行IKEA，行完發覺都差唔多到食飯時間，點知女朋友話想食啲酸酸辣辣嘅嘢，話口未完即刻見到眼前呢一間五越，睇過Menu賣相好似都唔錯就決定入去試試。先叫個椰汁冰，超級有椰味，凍冰冰非常消暑！跟手叫個越南最出名嘅朦粉，嘩簡直掂啊一試難忘，豬扒超級嫩。😗😗😗😗😗女朋友就叫個豬頸肉朦粉，又係一流，環境又好下次一定再試！唯一美中不足就係份量比較少有少少失望。