Video
Read full review
2008-11-04
42 views
老公得閒, 我哋又出去元朗搵嘢食, 呢間Casa Cafe係無意中發現嘅, 老公想食西餐, 咁我哋咪入去試吓有4款Lunch Set ($52)提供, 我哋選擇咗欖油煎鴨胸雜菌意粉, 老公點茄子焗雞肉配飯先來餐湯同餐包, 餐包係我最喜愛那款, 好熱同好香牛油味, 白湯我覺得一般, 但老公話好飲, 咁我嗰餐湯就俾埋佢飲主菜嘅presentation都好靚, 不過好睇唔係咁好食, 欖油煎鴨胸雜菌意粉整碟偏淡, 只有鴨胸好食煎得有水準, 但只有三塊, 太少了老公點嘅茄子焗雞肉配飯比我的意粉更唔好食, 茄子好乾無味, 焗雞肉好咸又乾, 而且雞肉雪太耐, 有啲澀味, 不大可口餐飲: 我點了凍朱古力(唔使另外加錢), 凍朱古力香濃美味而且唔會好甜, 雖然無New York Cafe嘅咁好飲, 但亦好高水準, 挽回唔少分數最後原來包埋小甜品, 是日係哈密瓜格仔餅, 小小格仔餅又幾好味, 唔太甜, 又再拉高少少分數 如果唔鍾意是日甜品, 係可以加$10轉一球Dreyer's雪糕, 不過我只鍾意HD雪糕, 咁就無謂轉啦我諗呢間Cafe應該甜品係強項, 下次如果想食雪糕格仔餅又坐得比較舒服嘅, 我估我會嚟
有4款Lunch Set ($52)提供, 我哋選擇咗欖油煎鴨胸雜菌意粉, 老公點茄子焗雞肉配飯
先來餐湯同餐包, 餐包係我最喜愛那款, 好熱同好香牛油味, 白湯我覺得一般, 但老公話好飲, 咁我嗰餐湯就俾埋佢飲
主菜嘅presentation都好靚, 不過好睇唔係咁好食, 欖油煎鴨胸雜菌意粉整碟偏淡, 只有鴨胸好食煎得有水準, 但只有三塊, 太少了
老公點嘅茄子焗雞肉配飯比我的意粉更唔好食, 茄子好乾無味, 焗雞肉好咸又乾, 而且雞肉雪太耐, 有啲澀味, 不大可口
餐飲: 我點了凍朱古力(唔使另外加錢), 凍朱古力香濃美味而且唔會好甜, 雖然無New York Cafe嘅咁好飲, 但亦好高水準, 挽回唔少分數
最後原來包埋小甜品, 是日係哈密瓜格仔餅, 小小格仔餅又幾好味, 唔太甜, 又再拉高少少分數 如果唔鍾意是日甜品, 係可以加$10轉一球Dreyer's雪糕, 不過我只鍾意HD雪糕, 咁就無謂轉啦
我諗呢間Cafe應該甜品係強項, 下次如果想食雪糕格仔餅又坐得比較舒服嘅, 我估我會嚟返呢間
Post
