三河屋 (Closed)

每次去紅磡唔係去酒樓就去某食店，今日想轉轉口味。泊好車後，眼前見一家外貌平凡但好有日本家庭式經營FEEL嘅食店，就去試下呢間啦 入到去真係好似好舊咁，連牆上貼著的食物價錢紙都發黃退色，電視也是好舊好舊的款式。環境比較細，坐位與坐位之間比較迫。一坐底看完餐牌就叫咗大阪燒餅、章魚小丸子同滑蛋豬扒飯。 大阪燒餅當店員把它放在枱上，我真係完全無諗過係咁細，大約成人掌心般大，味道好香港FEEL, 同正宗的大有不同，但可以接受 章魚小丸子章魚小丸子係我每次去一家新的日本餐廳見餐牌有就會點嚟試下，雖然章魚份量多，有三至四粒係裏面，但漿味道唔夠，表面的醬又普通，可以話係一般 滑蛋豬扒飯賣相比平時食嘅的確差咗少少，但味道呢....雖然豬扒鞋咗小小但個炸粉唔厚，算中上。個汁呢真係好好味，加埋啲洋蔥同菇，只用個汁加隻滑蛋都可以令我食哂成碗飯 後來老闆收錢時才知他是日本人，而且真的家庭式經營，老闆背後還有一個小故事。我諗我會再去試過啲招牌菜，因為我好支持小餐館，起碼他們真的用心去做食物給每位客人，而且呢間食物唔貴又算好食係無豪裝同好靚嘅賣相囉。