牛石料理 (Closed)

驚喜生日飯,好耐冇同班朋友見面，一同六人行諗左好耐究竟要去邊度食飯，一年一次生日梗係唔可以虧待自己㗎啦咁啱想食日本野，友人推介去九龍城呢間牛石料理食飯又有刺身、燒肉，活海產等等鍾意食刺身、海鮮嘅我當然要去試吓啦好彩預先訂咗位，原來鋪頭細細夜晚都幾多人食飯一去到啲面已經主動拎餐牌過嚟同我地介紹，今日有咩活海產同埋鋪頭多人食比較出名嘅海鮮，服務冇得頂！經過一輪考慮之後，叫咗日本新鮮嘅馬糞海膽、水晶蟹等等。侍應佢哋仲好好招呼一直同我地介紹水晶下有咩食法、佢嘅來源地，服務果然周到！食咗少少小食，同班朋友傾左陣計之後終於到今晚嘅重頭戲！就係水晶蟹，唔好以為蟹就剩係得一種食法。侍應姐姐同我地講，鋪頭有提供幾種唔同種類嘅蟹，亦都有佢哋唔同獨特嘅食法。例如：蒸、燒、刺身、蒸蛋等等，簡直係食過返尋味。 除咗隻水晶蟹之外，佢哋嘅刺身都好新鮮種類亦都比普通嘅日本餐廳多！原來佢哋每一日都會有日本空運返嚟嘅新鮮刺身魚，價錢合理，下次一定要試吓佢！其實除咗海鮮同埋刺身之外，嗰晚都有食咗好多熟食，特別推介一定係試吓佢哋個蟹粥！粥底軟綿綿不特止，蟹味仲要好突出添，簡直係食過返尋味！除咗食物令人滿意，質素價錢合理之外，