廚十三老壇酸菜魚 (海之戀商場) (Closed)

本人一向鍾意食四川野，無辣不歡🌶！今日朋友帶左我去荃灣好出名既川菜食飯😍結果一試難忘！🤩我地先食左一個呢度招牌菜—「老壇酸菜魚」！酸菜魚麻，酸，辣既比例恰都好處👍，唔會太辣，太酸或者太麻好難入口。而且魚肉非常鮮甜嫩滑。入口滑嘟嘟好好食！而且客人仲可以自己選擇配菜，好似午餐肉，豆腐，鮮腐足，土豆片， 青筍片錦，非常user friendly。而呢個「碧綠脆筍」賣相果然如其名非常鮮綠💚筍咬落去非常脆卜卜，筍味亦濃郁。好食😄呢度既「上上簽」亦令人一試就愛上。菜式即係鵪鶉蛋，蓮藕片，椰菜花，黑木耳同鳳爪，全部都充面濃郁即麻辣味。蛋嫩滑，蓮藕椰菜夾脆，木耳軟冧，鳳爪夾滑！正！🤣總括而言，食物無得輪，非常無得頂！