一鍋瘋 (Closed)

有一段時間冇去旺角食飯...今晚訂咗枱去到唔洗等👏🏼入到餐廳環境唔錯，坐位唔係太迫，仲有樓上雅坐添😆一鍋瘋出名粥底火鍋，海鮮真係好新鮮😍😍我哋一坐低就點$188一人一鍋，個餐有10款時令海鮮包括：日本白蜆，越南蕃蜆，菲律賓肉蟹，鮑魚，中蝦，生蠔，鯇魚片，貴妃蚌，黃刀貝同埋北極貝...我最鍾意係隻蟹多糕，又鮮甜！湯底就揀左椰子味同粟米味，下次會encore椰子味原來配海鮮係超正㗎😋😋😋食完海鮮，店員會幫你加南瓜同芋頭粒落湯底，滾到咁上下再幫你加粥底，我哋仲追加左肥牛同炸魚皮餸粥！最後會比埋菜甫，蔥花同芫荽你加落個粥度🍲食材有水準，服務好好，好抵食，下次會再去👍🏼👍🏼