八沢 (Closed)

自從喺上環返工之後，八沢就成為咗我嘅飯堂之前食過一次忌廉湯烏冬，一試返尋味呀今次再同同事嚟食！出咗一個健康嘅清酒竹笙雞湯烏冬就試下你先，因為最近想養生，食得健康啲！哈哈好健康嘅一碗麵，湯底配料有大蔥木耳龍眼肉，感覺好補，連個湯底我都會飲埋架！啲烏冬好煙韌彈牙！正我朋友就食黑蒜炙燒極濃黑豚肉湯烏冬,用鐵鍋上，保持熱度！配菜都幾多，好多木耳絲，炸蒜。豚肉肥瘦均等，溫泉蛋剛好漏心，仲有兩塊日式魚蛋，個湯底都好濃，整碗連湯都飲曬！好誇張仲叫多咗一個芝士焗大蝦先大蝦焗得剛好，肉質仲係好彈牙呀，再配埋特濃芝士，味道十分夾呀