大角咀的餐廳轉得很快，所以過一排又可以試新野。
今日Happy Friday， 唔想食茶記/外賣，諗住食好d， 點知嗰晚度度都要等位，行到 "前石頭屋", 原來轉左這間， 有個女仔出來介紹，餐廳入面人唔多，所以第一反應其實無即時入去，兜左個圈無心水，見佢價錢都ok (西餐晚餐：$9X - 16X, 好似系)，於是反轉頭試下~
味道： 點了最平的雞扒拼 德國辣腸 + 最貴的龍蝦。
我第一印象，餐前的羅宋湯好好飲。
餐包有牛油，所以我無試。
雞扒上碟後，一定要襯熱食， 佢個皮煎得好香，煎曬啲油出嚟，唔肥，啲肉好滑。
龍蝦意大利飯， 呢個等咗好耐，但係佢上碟嘅時候就見到龍蝦系一整隻，同埋焗得好香，有拉絲芝士，意大利飯剛剛好，唔會硬到覺得未煮熟(注：我本人喜歡軟一點的飯) 真心正
飲品： 叫左不用加錢的土耳其桃茶，有d乾桃粒，都ok 好飲(未去到推介級別) 可以一試
服務： 當時免加一。
當晚應該有老闆d friend在場，個waitress唔系好理我地，又唔得閒收碟。不過叫佢時，態度好，要叉有叉，要水都有水，服務還可以。老闆好似系大廚 (不過我之後lunch再去，無老闆朋友在場，佢對街客的招呼的attention 就返晒黎)
點菜：佢用QR system落單，不過個system真心廢，無得寫 "少冰，走奶，麵包走牛油等， 牛扒的話幾成熟" (M記 and米線陣都有得寫remark啦)
環境：見佢系有心機設計的。不過，個電視不斷播 "魚樂無窮" (深夜電視無節目，影住魚缸嗰d), 唔知咩事lor ~~ 如果覺得播電視劇破壞氣氛，建議播d jazz 音樂lor
(注： 之後lunch再去，試左牛扒+蝴蝶粉+明太子意粉+天婦羅牛肝菌白汁意大利飯； 推介明太子意粉 > 牛扒/蝴蝶粉 > 天婦羅飯)
希望水準繼續keep, 繼續免加一
The above review is the personal opinion of a user which does not represent OpenRice's point of view.
1
Dining Method
Dine In
Spending Per Head
$150 (Dinner)
